विराटनगर, पुस २८- मोरङको राजघाट-३ मा घरायसी विवादका कारण पतिले पत्नीको हत्या गरेका छन्। ३५ वर्षीय डम्बर लिम्बुले ३२ वर्षीया पत्नी जसमाया लिम्बुको खुकुरी प्रहार गरी हत्या गरेका हुन्।
बिहान करिब १० बजे लिम्बुले पत्नीको घाँटीमा खुकुरी प्रहार गरेका थिए। खुकुरी प्रहारबाट जसमायाको घटनास्थलमै मृत्यु भएको जिल्ला प्रहरी कार्यालय मोरङले जनाएको छ। पत्नीको हत्या गरी भाग्न खोज्ने डम्बरबहादुरलाई प्रहरीले नियन्त्रणमा लिएको छ।
(नागरिक)
