मिला दराई
दमौली पुस २० गते ।
नेत्रहिन संघ र वेदव्यास प्राथमिक विद्यालय व्यास–११ को संयुक्त आयोजनामा लुइसब्रेल दिवस जनवरी ४ को अवसर पारी जिल्ला शिक्षा कार्यालयमा अन्तरक्रिया कार्यक्रम सम्पन्न भयो ।
निमित्त जिल्ला शिक्षा अधिकृत केशरीरमण न्यौपानेको संयोजकत्वमा सञ्चालित सो कार्यक्रममा विद्यालयका निरीक्षक उद्धवराज कट्टेल, वेदव्यास प्रा.वि. का स्रोत शिक्षा श्रीभद्र न्यौपाने, तनहूँ नेत्रहिन संघका चिन बहादुर कुमाल, कोषाध्यक्ष सीता सिग्देल र वेदव्यास प्रा.वि. का शिक्षिका सुशिला पण्डित तथा सोही विद्यालयका स्रोत कक्षामा अध्ययनरत विद्यार्थीहरुको सहभागिता थियो ।
कार्यक्रममा जिल्ला शिक्षा कार्यालयलाई नेत्रहिनमैत्री बनाउने अभियान स्वरुप मूल गेटमा कार्यालयको नाम तथा सम्पूर्ण शाखा, फाँटहरुको नाम र कोठा नम्बर सहित बे्रललिपिमा लेखी टाँसिएको थियो ।
