जीतेन्द्रप्रसाद सिंह,
जनकपुरधाम माघ ११ गते ।
पेट्रोलियम पदार्थमा गरिएको भारी मूल्यवृद्धिको विरोधमा आज विभिन्न सङ्गठनमा आवद्ध विधार्थीहरुले जनकपुर बन्दको आह्वान गरेका छन । बन्दका कारण जनकपुरको जनजीवन पूर्णरूपमा प्रभावित भएको छ । जनकपुरबाट छुट्ने छोटो तथा लामो दुरीका सवारी चल्न सकेका छैनन भने बजार, उद्योग कलकारखाना तथा शिक्षण संस्थाहरू पनि खुल्न सकेका छैनन् । चोकचोकमा विद्यार्थीहरू प्रदर्शनमा उत्रिएका छन् ।
आपूर्तिमन्त्रीसँग भएको वार्ता सहमतिमा पुग्न नसकेपछि विद्यार्थीहरूले आज पूर्व घोषित कार्यक्रमअनुसार बन्द आह्वान गरेका हुन् । बन्द आह्वान गर्दै हिजो साँझ जनकपुरमा मसाल जुलुस प्रर्दशन गरिएको थियो । बन्दको कार्यक्रम प्रति जनकपुर उद्योग वाणिज्यसंघ ऐक्यवद्धता जनाएको छ ।
जनकपुरकै अर्को समाचार अनुसार जनकपुरको प्रतिष्ठित रत्नसागर मन्दिरका महन्थ रामप्रकाश दास वैष्णवको आज विहान निधन भएको छ । लगभग ९५ वर्षका महन्थको विहान सवा ३ वजे आश्रममै निधन भएको स्थानियवासीहरुले बताएका छन ।
