बुटवल,
पुस ७-आज वाट बुटवलमा १२ औं राष्ट्रिय औद्योगिक प्रदर्शनी सुरु हुर्दैछ । औद्योगिक उत्पादनको बजारीकरणमा सहजता थप्नका लागि प्रत्येक वर्ष बुटवलमा सञ्चालन हुँदै आएको राष्ट्रिय औद्योगिक प्रदर्शनी आगामी १९ गते सम्म सञ्चालन हुने छ ।प्रदर्शनीमा राष्ट्रिय तथा स्थानीय र ठूला साना तथा मझौला र घरेलु उद्योगका ४ सय स्टल रहने रुपन्देही उद्योग संघले जनाएको छ ।
रुपन्देही उद्योग संघ र नेपाल उद्योग परिसंघ काठमाण्डौको संयुक्त आयोजनामा प्रदर्शनी हुन लागेको हो ।
१३ दिन सम्म सञ्चालन हुने प्रदर्शनीमा १३ करोड बढीको कारोवार गर्ने लक्ष्य लिएको प्रदर्शनीमा ७० लाख देखि १ करोड सम्मको खर्चानुमान आयोजक रुपन्देही उद्योग संघले गरेको छ । प्रदर्शनीको भोली मात्रै उद्घाटन गरिने छ ।
