पोखरा मंसिर २६-पोखराको नयाँ बजारमा जारी राष्ट्रिय औद्योगिक ब्यापार मेला–२०६८ अवलोकन गर्नेको संख्या ७० हजार पुगेको छ । मेलाको चौथो दिनसम्म करिब ४ करोडको आर्थिक कारोवार समेत भएको पोखरा उद्योग बाणिज्य संघले जनाएको छ ।
मेलामा सहभागी संख्या बढ्दै गएको र कारोबारमा पनि बृद्धि भएको संघका महासचिव संजिबबहादुर कोइरालाले जानकारी दिनुभयो । मेलाको आज पाँचौ दिन लोकदोहोरीतर्फ कृष्ण देवकोटा, पार्वती जिसी, रामजी पौडेल, रमेश बिजी, रीता थापा, श्रीराम अधिकारी लगायतको प्रस्तुती रहने आयोजक पोखरा उद्योग बाणिज्य सघले जनाएको छ । यसैगरी शिवशंकर रिजाल‘मुलाको साग’ले हाँस्य तथा गुरुङहरुको क्षेणु नाच पनि रहने साँस्कृतिक उपसमिति संयोजक दामु अधिकारीले जनाउनुभयो । । मंसीर २२ गते बाट शुरु भएको महोत्सव पौष ३ गते सम्म चल्ने छ ।
