नारयण सापकोटा
चितवन पुस ४-तरुणदल चितवनका अध्यक्ष शिब पौडेलको हत्याको बिरोधमा नेपाली काँग्रेसले आह्वान गरेको नेपल वन्दले जन जिवन प्रभावित भएको छ । काँग्रेसले तरुणदल चितवनका अध्यक्ष पौडेललाई सहिद घोषणा र अरु १२ जना कार्यकर्तामाथि लगाइएको झुटा मुद्दा फिर्ता लिन सरकारले अस्विकार गरेको भन्दै आज एक दिनका लागि बन्द आह्वान गरेको हो ।राजधानीका सडकमा यातायातका साधनहरु चलेका छैनन् भने राजधानी भित्रने नाका थानकोटमा सयौ सवारी साधन रोकिएका छन् ।बन्द सफल पार्न काँग्रेस कार्यकर्ताले राजधानीका केही स्थानमा सवारी साधन तोडफोड गरेका छन् । राजधानीका विभिन्न ठाउँबाट अहिले सम्म २१ जनालाई पक्राउ गरिएको प्रहरीले जनाएको छ । थापाथलीबाट ११ , सुन्धाराबाट ५ , अनामनगरबाट २ , गोंगबुबाट ३ र चाबहिलबाट २ गरी २१ जना पक्राउ परेको नेविसंघका निर्बतमान महामन्त्री मनोजमणी आचार्यले जानकारी दिनुभयो । बन्दको अवज्ञा गरेको भन्दै जिल्ला जिल्लामा पनि तोडफोड तथा आगजनि भएका खबर सहकर्मीहरुले पठाएका छन । यस्तै राजधानीको बाल्मिकी क्याम्पसमा सञ्चालित नेपाल विश्व विद्यालय अन्र्तगत उत्तर मध्यमा र आचार्य तहको परीक्षा पनि विथोलिएको छ । बन्दकर्ताहरु परीक्षा हलमा पसेर परीक्षा विथोलेको बताइएको छ ।यसैबीच काँग्रेस कार्यकर्ताले समाचार संकलन गर्न नयाँ बानेश्वर पुगेको नेपाल एफएमको बा ६ च ४४ ०० नम्वरको मारुती भेन तोडफोड गरेका छन् ।प्रेसको गाडी भन्दा भन्दै कांग्रेसका कार्यकर्ताले गाडीमा तोडफोड गरी क्षति पु¥याएको नेपाल पत्रकार महासंघ नेपाल एफ एम प्रतिष्ठान शाखाले विज्ञप्ती मार्फत जनाएको छ ।
विज्ञप्तीमा लोकतान्त्रिक संस्कार र स्वतन्त्र पत्रकारिताको चर्काे वकालत गर्ने नेपाली काङ्ग्रेसका कार्यकर्ताबाट भएको यस घटना प्रेसमाथिको ठाडो हमला भएको उल्लेख छ । पत्रकारमाथि हुने हस्तक्षेप रोक्न सरकारसंग माग गर्दै घटनाका दोषीलाई तत्काल कानुनी कारवाहीको दायरामा ल्याउन र क्षतीपूर्तिको ब्यवस्था गर्न नेपाल एफ एम प्रतिष्ठान शाखाले माग गरेको छ ।यता काँग्रेसले शान्ति पूर्ण बन्द आह्वान गरेको र तोडफोडमा नउत्रन कार्यकर्तालाई निर्देशन दिएको महामन्त्री कृष्ण सिटौलाले नेपालवाणी नेटवर्कलाई जानकारी दिनुभयो ।
बन्दलाई मध्यनजर गर्दै सरकारले राजधानीमा मात्रै ४ हजार सुरक्षाकर्मी परिचालन गरेको छ काँग्रेसले राजधानीको बसन्तपुरमा कोणसभा गदै अहिले केहिबेरमा बन्द सकिएको घोषणा गदैछ ।चितवन कारागारमा गत मंसिर २० गते सांङघातिक आक्रमणबाट गम्भीर घाइते भएका पौडेललेको २ दिन अघि राजधानीको बाँसबारी स्थित न्यूरो अस्पतालमा उपचारका क्रममा निधन भएको थियो । सरकारले पौडेलमाथि लगाएको मुद्दा फिर्ता नलिएसम्म अस्पतालबाट शब नउठाउने काँग्रेसले जनाएको छ ।
कसैलाई जवरजस्ती कुटपिट र तोडफोड नगरी बन्द कार्यक्रमलाई शान्तिपुर्ण बनाउन काँग्रेसको आह्वान, पार्टीले आयोजना गरेका नेपाल बन्दको कार्यक्रमलाई शान्तिपुर्ण रुपमा सम्पन्न नेपाली काँग्रेसले सवैसंग आग्रह गरेको छ । पार्टीको तर्फबाट कसैप्रति धम्की र जवरजस्ती नगर्न समेत काँग्रेसले सवैलाई आग्रह गरेको छ । काँग्रेसका महामन्त्री कृष्णप्रसाद सिटौलाले आज नेपालवाणी नेटवर्कको वाणी वहसमा कुराकानी गर्दै आजको नेपालबन्द शान्तिपुर्ण हुने दावी गर्नु भयो ।
महामन्त्री सिटौलले शान्ति र न्यायको माग गर्दै काँग्रेसले बन्दको आह्वान गरेको स्पष्ट पार्दै आन्दोलनको विरोध गर्नेहरुलाई हत्याको पनि विरोध गर्न आग्रह गर्नु भयो ।
राज्यको नियन्त्रणमा रहेको व्यक्तिको हत्या हुदा जनताले बोल्न नपाउने अवस्था तानाशाही व्यवस्थामा मात्रै हुने भएकाले लोकतन्त्रका विश्वास गर्नेहरुले चुप लागेर बन्न नमिल्ने महामन्त्री सिटौलाको तर्क छ । उहाले काँग्रेस कार्यकर्ता पौडेललाई सरकारले नै षड्यन्त्र गरेर मारेको दावी समेत गर्नु भयो । सरकारले नियतबस हत्या गरेकाले सहिद घोषणा गर्न अटेर गर्नु गैरजिम्मेवार भएको महामन्त्री सिटौलाको भनाई थियो ।
