मकवानपुर,
पुष ६ -मकवानपुरको मनहरीमा गएराती बसको ठक्करबाट एक जनाको ज्यान गएको छ । मनहरी ८, रजैयामा गएराती ट्रकको ठक्करबाट १२ बर्षिया विमला घलानको ज्यान गएको हो । चितवनबाट हेटौँडा आउँदै गरेको ट्रकले ठक्कर दिएपछि बालिकाको घटनास्थलमै ज्यान गएको हो । ठक्कर दिँने ट्रकको अहिलेसम्म पहिचान नभएको र खोजी कार्य जारी रहेको मकवानपुर प्रहरीले जनाएको छ ।
पीडितलाई राहत र दोषीलाई कारावाही माग गर्दै स्थानीयबासीले अवरुद्घ गरेको पूर्व पश्चिम राजमार्ग आज विहान १२ बजेबाट सुचारु गराइएको छ । यस्तै, हेटौँडा १०, राप्तिपुल नजिक आज विहान १ बजे ट्रकको ठक्करबाट १ जना गम्भिर घाइते भएका छन् । विपरित दिशाबाट आइरहेको ट्रकले मोटरसाइकललाई ठक्कर दिँदा मोटरसाइकल चालक मनहरी ७, सिम्पानीका रामकृष्ण सुनार गम्भिर घाइते भएका हुन् ।
हेटौँडा अस्पतालमा उपचार हुन नसकेपछि उनलाई भरतपुर रिफर गरिएको छ । ट्रक तथा चालक प्रहरी नियन्त्रणमा रहेको मकवानपुर प्रहरीले जनाएको छ ।
