सृजना राना,
स्याङ्जा मंसिर २६- पाल्पाबाट पोखरा आउदै ट्याक्सी स्याङ्जाको जगत्रेदेवी गाविस जिरो भन्ने ठाउमा दुर्घटना हुँदा एक जनाको मृत्यु भएको छ भने १ जना घाइते भएका छन् । ग १ ज २७७३ नं. को ट्याक्सी सडकबाट १५० मिटर तल खसेको प्रहरीले बताएको छ ।
मृतकको सनाखत हुन नसकेको र ट्याक्सी र मृतक भिरमा अड्किएकोले उद्धारमा गठिनाई भएको जिल्ला प्रहरी कार्यालय स्याङ्जाले बताएको छ । मृतक पाल्पाको आर्य भञ्ज्याङ्बाट चढेको र गाडीको कर्मचारी भएको प्रहरीले बताएको छ । घाइते हुनेमा ट्याक्सी चालक गम बहादुर गुरुङ रहेका छन् । घाईतेको गल्याङ् सामुदायिक अस्पतालमा उपचार भैरहेको प्रहरी नायव उपरीक्षक सुरेशराज भट्टराईले जानकारी दिनुभयो ।
