सन्तोषि श्रेष्ठ
बसन्तपुर,३ पुष-तनहुँको वसन्तपुरमा एमाले निकट युवाहरुको एक भेला हिजो सम्पन्न भएको छ । एमाले तनहुँका सचिव विद्या ढकालको प्रमुख आतिथ्यतामा सम्पन्न भेलामा करिव ३५० जना युवाहरु सहभागि भएका थिए । कार्यक्रममा एमाले जिल्ला कमिटी सदस्य शंकर रानाभाट,युवा संघ जिल्ला सहसंयोजक राजकुमार श्रेष्ठ,जिल्ला कमिटी सदस्य राम सापकोटा,धुव्र कुमाल,सवृजित थापा तिलक गौली लगाएतले वोल्नुभएको थियो ।
भेलाले सन्त वहादुर थापाको अध्यक्षतामा २५ सदस्यीय युवा संघ गाउँ कमिटी गठन गरेको छ । कमिटीको उपाध्यक्ष खुसिराम गौली,सचिव कमला श्रेष्ठ र कोशाध्यक्ष देवानन्द गौली रहेका छन् । एमाले गाउँ कमिटी अध्यक्ष रामकृष्ण देवकोटाको सभापतित्वमा सम्पन्न कार्यक्रममा सर्वदिप थापाले स्वागत र सन्त थापाले संचालन गर्नुभएको थियो ।
