सृजना राना
ललितपुर,
पुष ५ ( ललितपुरको पुल्चोकमा रहेको गुण ज्यास पस नाम गरेको सुन पसलका कर्मचारीको हत्यामा संलग्न एक जनालाई प्रहरीले पक्रेको छ । अरु ५ जना अझै फरार रहेका र उनीहरुको खोजी भइरहेको प्रहरीले जनाएको छ । पक्राउ पर्नेमा भारत मोतिहारी जिल्ला घोडासहन बिर्ताचोक घर भई हाल काठमाण्डौ कुलेश्वर बस्ने बर्ष २४ को राजु साह छन् ।
महानगरीय प्रहरी अपराध महाशाखा तथा महानगरीय प्रहरी परिसर ललितपुरको संयुक्त रुपमा खटिएको टोलीले पक्राउ गरी आज साहलाई सार्वजनिक गरेको हो । साह सहितका ६ जनाले मंसिर १६ गते ललितपुर उ।म।न।पा। ३ स्थित गुण ज्यासः पसः मा लुटपाट गर्ने उद्देश्यले त्यहाँका कर्मचारी भक्तपुर मध्यपुर थिमी घर भई हाल पुल्चोक बस्ने बर्ष २५ को जुजुकाजी बज्राचार्यको हत्या गरेका प्रहरीले जनाएको छ ।
घटनामा संलग्न व्यक्तिहरु भारत घोडासहनबाट समूह बनाई मिति २०६८।०८।१५ गते नेपाल प्रवेश गरी भोटेबहाल स्थित गेष्ट हाउस बसी सुन पसलको बारेमा पटक पटक निरिक्षण गरी मिति २०६८।०८।१६ गते बेलुकी ८स्३० बजेको समयमा सुन पसलमा प्रवेश गरी जुजुकाजी महर्जनलाई नियन्त्रणमा लिई हात खुट्टा तथा नाक मुखमा सनपाटको डोरी, गम्छाले बाँधी हत्या गरेको प्रहरीले जनाएको छ ।
उनीहरुले पसलबाट कुनै प्रकारको मालसमान लैजान नसकेको र आफुले ल्याएका ग्याँस सिलिण्डर, ग्याँस कटर तथा ताल्चा काट्ने कैंची लगायतका सामानहरु घटनास्थलमा नै छाडी मिति २०६८।०८।१७ गते बिहान कलंकीको बाटो हुंदै भारत तर्फ फर्केको प्रहरीले जानकारी दिएको छ । लुटेराहरुले वज्राचार्यलाई मार्ने मनसायले नभई सुनपसल लुटपाट गर्ने मनसायले मुख, हात खुट्टा बाँधेको र बाँध्ने क्रममा निज मृतकको श्वास प्रश्वासमा रोकावट भई ज्यान गएको देखिएको प्रहरीको भनाई छ ।
