सृजना राना
पुस ३, तनहुँ,
अमरज्योती प्रा.वि खैरेनीटार ग्यारसिङ्गको आज एक कार्यक्रमका बिच ४५ औ वार्षिक उत्सव तथा अभिभावक दिवस सम्पन्न भएको छ । कार्यक्रममा प्रमुख अतिथी विद्यालयका संस्थापक अध्यक्ष कुलप्रसाद सापकोटा रहनुभएको थियो ।
विद्यालय व्यवस्थापन समितीका अध्यक्ष रीता अधिकारीको सभापतीत्वमा सम्पन्न कार्यक्रममा विद्यालयका प्रधानअध्यापक कृष्णबहादुर पौडेलले विद्यालयको वार्षिक प्रतीवेदन पेश गर्नु भएको थियो ।
कार्यक्रममा खैरेनी उच्च मा.वि का संयोजक माधव पौडेल , सोही विद्यालयका विद्यालय व्यवस्थापन समितीका अध्यक्ष पुरुषोत्तम लामिछाने , ने क पा एमालेका पुष्पराज लामिछाने , राष्ट्रिय जनमुक्ती पार्टीका अध्यक्ष जय बहादुर थापा , दिवस मा.वि का प्रधानअध्यापक केशवराज पौडेल , जलदेवी प्रा.विका प्रधानअध्यापक हरीराज घिमीरे , अर्चल थुम प्रा.वि का विद्यालय व्यवस्थापन समितीका अध्यक्ष शोभाखर ढकाल ,ग्यारसिंह आमा समूहकी पूर्व अध्यक्ष यमूना पौडेल शिक्षक अभिभावक संघका अध्यक्ष लाल प्रसाद काफले लगायतले शुभकामना मन्तव्य व्यक्त गर्नुभएको थियो ।
शिक्षीका सरस्वती न्यौपानेले स्वागत मन्तव्य व्यक्त गर्नुभएको कार्यक्रममा विद्यार्थीहरुबाट सांस्कृतक कार्यक्रम र अभिभावकहरुबाट खेलकुद कार्यक्रम भएको थियो । कार्यक्रम संन्चालन शिक्षक ज्ञान बहादुर सारुले गर्नुभएको थियो ।
