रहरले फुल्न खोज्दा बैगुनीले झार्छु भन्छ
अर्कालाई चोट दिइ मन खुशी पार्छु भन्छ
ढक्मक्क फुल्ने डाली हल्लाएर झारिदियौ
शीरमा लाउने फूललाई पाउतिर सारिदियौ
नडराइ सुनगाभा भिरमा नै सर्छु भन्छ
दुनियाँलाई देखाएर सौन्दर्य त्यो छर्छु भन्छ
किन रुन्थ्यो अचानो त्यो घाइते मुटु लुकाएर
बज्रिए नि खुकुरीले आफ्नो बल देखाएर
उठ्न खोज्ने पाइलाहरू बीचमानै रोक्छु भन्छ
उषाको त्यो झुल्के घाम बादलले छेक्छु भन्छ
*********************
भगवती बस्नेत
काठमान्डौ
हाल इजरयाल
