दाङ (तुलसीपुर),
मंसिर २-नेकपा एमालेका सचिव संकर पोखरेलले मंसीर १४ गतेपछि भट्टराई सरकारको नेतृत्वको आयु समाप्त हुने बताउनु भएको छ । ढुङगेल प्रकरणदेखि जम्बो मन्त्रिमण्डललगाएतका विभिन्न कारणले वर्तमान सरकार असफल भएको बताउँदै मुस्ताङ गाडीले त्यस्ता गल्तीहरुलाई ढाकछोप गर्न नसक्ने पनि उहाँले बताउनुभयो । रपोटर्स क्लब नेपाल दाङले आज तुलसीपुरमा गरेको साक्षात्करमा सचिव पोखरेलले अबको सरकार बाबुराम नेतृत्वमा नहुने पनि बताउनुभयो । माओवादी भित्रको विवादले सहमतिको वातावरण बनाउन सहयोग गर्ने बताउदै उहाँले संविधान संसोधन हुन नसके शान्ति प्रकृयाको यात्रा कठिन हुने संकेत गर्नुभयो ।
