तनहुँ खबर संवाददाता
काठमाण्डौ, मंसिर १
छैटौ महानगरीय प्रहरी आयुक्त कार्यालय स्थापना दिवस आज काठमाडौमा विभिन्न कार्यक्रमको आयोजना गरि मनाएको छ ।दिवसको अवसरमा ट्राफिक सप्ताह अन्र्तगत आज विहान प्रहरीले काठमाडौमा पैदल र मोटरसाईकल र् याली निकालेको छ ।
महानगरीय प्रहरी आयुक्तको कार्यालय रानीपोखरीबाट सुरु भएको र् याली बागबजार पुतलिसडक पद्यमोदयमाड िसंहदबार पश्चिम गेट भद्रकाली सहिदगेट सुन्धारा नयाँसडक इन्द्रचोक असन भोटाहीटी हुँदै पुनः आयुक्तको कार्यालय अगाडी पुगेर विशेष कार्यक्रममा परिणत भएको थियो ।
यस्तै आयुक्तको कार्यालयबाटै सुरु भएको मोटरसाईकल र् याली बागबजार पुतलिसडक भद्रकाली नयाँ सडक असन लैनचौर लाजिम्पाट टिचिङ नारायणगोपाल चोक चावाहील गौशाला हुँदै नयाँबानेश्वर थापाथली कालीमाटी हुदै कलंकी पुगेर सोही बाटो आयुक्तको कार्यालय आइपुगेको थियो । १५ वटा सेतो पल्सर मोटरसाईकलमा ट्राफिक अनुशासनसँग सम्बन्धित सन्देश लेखिएका व्यानरसहितका ३० जना ट्राफिक प्रहरीले मोटरसाईकल र् यालीमा सहभागी भएका थिए । राजधानीको अपराध नियन्त्रण र सुरक्षा व्यबस्था सुधार गर्ने उदेश्यले २०६२ साल मंसिर १ गते आजैका दिन महानगरिय प्रहरी आयुक्तको कार्यालय स्थापना गरिएको थियो । त्यसैको सम्झनामा हरेक वर्ष आजकै दिन यो दिवस मनाउने गरिएको छ ।
