नवीन मनोहर,
रामेछाप, कार्तिक ३०-रामेछाप र रामेछापकी स्थानीय विकास अधिकारी देवीमाया घिमिरे विरूद्ध अख्तियार दुरूपयोग अनुसन्धान आयोगमा उजुरी परेको छ । नागरीक समाज तथा ग्रामिण सड्क उपभोक्ता समिति र जिल्ला विकास समित रामेछापका पिडीत कर्मचारीहरूको नाममा प्रधानमन्त्री तथा मन्त्री परीषदको कार्यालय स्थानीय विकास मन्त्रालय क्षेत्रीय प्रशासन कार्यालय जिल्ला प्रशासन कार्यालय रामेछाप नेपाल पत्रकार महासंघ रामेछाप लगायत जिल्लाका विभिन्न १४ वटा सरोकारवाला निकायहरूलाइ वोधार्थ दिएर दायर गरीएको उजुरी पत्रमा स्थानीय विकास अधिकारीको क्वाटरको तला थप्दा विना टेण्डर अमानतमा तला थप्ने काम गरेको, गुम्वा व्यवस्थापन, उपेक्षित उत्पिडित तथा दलीत वर्ग उत्थान कार्यक्रम झोलुङ्गे, ग्रामीण खानेपानी, जिल्ला सड्का सहयोग कार्यक्रम लगायतका दर्जनौ योजनाहरू संचालन गर्दा आफ्ना प्राविधीकहरू मार्फत १० देखी ३५ प्रतिसत सम्म रकम अशुल्ने गरेको आरोप समेत उजुरीमा लगाइएको छ ।हुलाक मार्फत मंगलवार प्राप्त उजुरीमा स्थानीय विकास अधिकारीले भ्रष्ट्रचार गर्ने मामिलामा हाल सम्मका सवै स्थानीय विकास अधिकारीलाई पछाडी पारीएको भन्दै १ लाख रूपैया भन्दा वढि रकम वाट सञ्चालन गर्ने योजना टेण्डर प्रक्रियाबाट अघि वढाउनु पर्नेमा आव ०६७/०६८ को जिल्ला परीषदबाट क्वाटरमा तला थप्न छुट्टाइएको ५ लाख रूपैया योजना तथा अनुगमन अधिकृत विनोद पोख्रेलको संयोजकत्वमा निर्माण समिति गठन गरी मनोमानी ढ्रगले खर्च गरेको आरोप पनि उजुरी पत्रमा उल्लेख गरीएको छ ।
त्यस वाहेक स्थानीय विकास अधिकारी घिमिरेले ०६८/०६९ को जिल्ला परीषदमा वन्दशत्र नै नगरी मनोमानी ढंगले विभिन्न योजनामा लाखौ रकम हिनामिना गरेको र जिल्ला विकास समितिको नाममा हजारौ रूपैया वरावरको विभिन्न घरायसी सामान खरीद गरी आफ्नो घर समेत ल्यैजाने काम गरेको सम्मको आरोप उजुरी पत्रमा लगाइएको छ ।
त्यसै गरी गत असोज महिनामा बर्षादले विभिन्न ग्रामिण सड्कहरू भत्काएको र सो वापत जिल्ला विकास समितिबाट छुट्टाएको १७ लाख २० हजार रूपैयामा पनि घिमिरेले ठुलै घोटाला गरेको उक्त घोटाला काण्डमा जिल्ला विकास समितिका विभिन्न ८ जना प्राविधिकहरू समेत संलग्न रहेकोले उनीहरू समेतलाई छानविन गरी हदै सम्मको कार्वाही गरी अपचलन गरेको सम्पुर्ण रकम फिर्ता गराइ पाउनका लागि समेत जोडदार माग गर्दछौं उजुरी पत्रमा उल्लेख गरीएको छ ।
