बर्दिया मंसिर २-व्यबस्थापिका संसदको प्राकृतिक स्रोत साधन समितिले बर्दिया राष्टिय निकुञ्ज भित्र होटल सञ्चालन गर्ने अनुमति नदिन सरोकारवाला सबैलाइ निर्देशन दिएको छ । बर्दिया निकुञ्जको लालमाटी क्षेत्रमा रिसोर्ट संचालन गर्न दिने तयारी भएको भन्ने स्थानियवासीको उजुरीका आधारमा समितिले होटल खोल्न नदिन निर्देशन दिएको हो ।
चितबन राष्टिय निकुञ्जका होटल निकुञ्ज बाहिर सार्ने निर्देशन भइसकेको अबस्थामा अन्य कुनै पनि निकुञ्जमा होटल संचालन नगर्न निर्देशन दिइएको समिति सभापति शान्ता चौधरीले जानकारी दिनुभयो । समिति बैठकमा वनमन्त्रालयका सहसचिव कृष्णचन्द्र पौडेलले वन मन्त्रालयवाट त्यस्तो स्वीकृति नदिइएको जानकारी दिनुभयो । समितिले चितवन राष्टिय निकुञ्जका सबै होटल असार मसान्त्रभित्र हटाउन यसअघि नै निर्देशन दिइसकेको छ ।
