हरि बहादुर सारुमगर
पाल्पा कार्तिक १२ नेपाल मगर संघ पाल्पाको आयोजनामा संचालन भएको देउसी भैली कार्यक्रम सम्पन्न भएको छ । मंसिर २४ देखि २८ गते सम्म गुल्मीको तम्घासमा हुने नेपाल मगर संघको हुने दशौँ केन्द्रिय महाधिबेशनका लागि आर्थिक संकलन गर्न संचालन गरिएको देउसी भैली कार्यक्रममा एक लाख भन्दा बढी रकम संकलन भएको संघका अध्यक्ष बल बहादुर गाहाले बताउनु भयो ।
देउसी भैली कार्यक्रमका संयोजक बल बहादुर रानाले देउसी भैली कार्यक्रमलाई सफल पार्न सहयोग गर्ने संघ संस्था तथा व्यक्तिहरुलाई धन्यवाद दिदै सहभागी हुनु अनुरोध गर्नुभएको छ ।
पाचे बाजाको झाँकी सहित खेलेको देउसी भैली कार्यक्रम तानसेन नगरका बिभिन्न टोलमा खेलेका थिए । देउसी भैली कार्यक्रममा नेपाल मगर संघ नेपाल मगर विद्यार्थी संघ नेपाल मगर संघ नगर समिति र लाङघाली समूह संयुक्त रुपमा खेलेको हो ।
