सिन्धुली असोज २६
सिन्धुली बीपी राजमार्ग बाट काठमाडौं आउँदै गरेको यात्रुवाहक बस सिन्धुलीको पुरानो झाँगाझोलीबाट सुनकोसीमा खस्दा ३८ जनाको मृत्यु भएको अनुमान गरिएको छ । यात्रुवाहक बसमा ६० जना यात्रु रहेको बताइएको छ । बसको छतमा रहेका केही यात्रुहरुले हामफालेर ज्यान जोगाएको खबर प्राप्त भएको छ । ना ३ ख ९४१२ नम्बरको बस सुनकोसीमा खसेको हो । बसमा क्षमताभन्दा बढी यात्रु रहेको र अप्ठेरो बाटो भएकोले दुर्घटना भएको अनुमान गरिएको छ । घटनामा स्थानीयबासिन्दा र सुरक्षाकर्मीहरुले उद्धार गरिरहेका छन् । घटनासम्बन्धी विस्तृत विवरण आउन बाँकी रहेको हाम्रा संबाददाता नारायण सापकोटाले जानकारी दिनु भएको छ ।
