घनश्याम पाण्डेय,
असोज २६ गते पोखरा चिकित्सकको लापरवाहीका कारण बिरामीको मृत्यु भएको भन्दै मृतकका आफन्तले पोखराको चरक अस्पतालमा हिजो दिनभर विरोध प्रर्दशन गरेपछि आज प्रशासनसँग वार्ता हुने भएको छ । सामान्य बिरामी भएर उपचारको लागि मङ्गलबार अस्पताल भर्ना गरिनुभएकी पोखरा उपमहानगरपालिका ७ घारी पाटन बस्ने २२ वर्षिय गंगाकुमारी बोहोराको उपचारको क्रममा ज्यान गएपछि बिरामीका आफन्तहरुले क्षतिपुर्तिको माग गदै अस्पतालमा विरोध प्रदर्शन गरेका हुन् ।
बिरामीका आफन्तले चिकित्सकले गलत इन्जेक्सन दिएकोले बिरामीको मृत्यु भएको आरोप लगाएका छन् । उनीहरुले क्षतिपूर्ति नमिलेसम्म शव नउठाउने अडान राखेका छन् ।
