काठमाडौँ,
कात्तिक १३- जुवातास खेलिरहेको अवस्थामा प्रहरीले पुरानो बानेश्वरस्थित सुनिता लामाको घरबाट गएराति १४ जनालाई पक्राउ गरेको छ । चाडवाडको समयमा धेरैजसो जुवातास खेलेर समाजमा विकृति फैलाएको भन्दै उनीहरुलाई रु एक लाख ६५ हजार ४८० र चार थान तास बुकसहित महानगरीय प्रहरी परिसर हनुमानढोकाले पक्राउ गरेको हो ।
पक्राउ पर्नेमा आङछिरिङ लामा, कमल विक, इमानसिंह लामा, तेजकुमार लामा, भक्त बराइली, खड्कबहादुर सुनुवार, अशोककुमार जइन, ज्ञानबहादुर लामा, भीमबहादुर तामाङ, मानबहादुर घिसिङ, रामप्रसाद उप्रेती, हर्कबहादुर लामा, सुनिता लामा र दावा लामा रहेको प्रहरीले जनाएको छ ।
