तनहु, आश्विन २४
सोमबार राती तनहुँको सतीस्वारा लम्केमा १ जना युबकको भीरबाट खसेर मृत्यु भएको छ । मृत्यु हुनेमा ब्यास नगरपालिका बस्ने बिजय अधिकारी रहेका छन् । तनहुँको सतीस्वारा–८ विर्ताबाट पोखरीछापमा सांस्कृतिक कार्यक्रम हेर्न भनी गएका ३ युबकले स्थानीय ब्यक्तिहरुको घरको सटर र मोटरसाईकल तोडफोड गरेकाले स्थानीयबासीले नियन्त्रणमा लिने क्रममा उनको भीरबाट खसेर मृत्यु भएको हो । तोडफोड गर्ने अन्य २ जना तनहुँ क्यामिन बस्ने बर्ष २१ का सुवास भण्डारी र ब्यास नगरपालिका भादगाउँ बस्ने बर्ष २२ का रञ्जन गुरुङलाई प्रहरीले नियन्त्रणमा लिएको दमौली प्रहरीले बताएको छ ।
