नारायण शर्मा चितवन , आश्विन २२ - माओवादी अध्यक्ष पुष्पकमल दाहालका पिता मुक्तिराम दाहालको चितवनको देवघाटमा अन्त्येष्टि गरिएको छ । ८४ वर्षीया दाहाल लामो समय देखि निमोनिया र मृगौलाको समस्यामा पीडित थिए । एक साताअघि राजधानी स्थित छोरा पुष्पकमल दाहालको निवासबाट चितवनको भरतपुर स्थित आफ्नै घरमा रहेका दाहालको शनिबार राति निधन भएको हो । उनको पार्थिव शरिरमा कम्युनिष्ट पार्टिको झण्डा ओढाइएको थियो । धार्मिक प्रबृतिका स्वर्गीय मुक्तीरामका साथीहरु र चितवन स्थित सबै पार्टीका नेता तथा कार्यकर्ताहरु श्रद्धान्जलीका लागि घरमा पुगेका थिए । दाहालको पार्थिव शरिरमा फुलमाला चढाउने र अन्तिम श्रद्धान्जली दिन प्रधानमन्त्री बाबुराम भट्टराई, माओवादी नेताहरु रामबहादुर थापा, दिनानाथ शर्मा लगायत अन्य पार्टीका नेताहरु उपस्थित थिए । दाहालको अन्त्येष्टि छोरा पुष्पकमल दाहालले दागबति दिएका थिए । बाबुको दागबति दिंदा छोरा पुष्पकमल दाहालले कपाल खौरिएक थिएनन् भने उनी कोर्ट र पाइन्टमा देखिन्थे । source: ekantipur.com
