राम बहादुर धामी
असोज, २९ तनहुँ
पृथ्वीराजमार्ग अन्तर्गत तनहुँको जामुनेमा साढे १२ बजे भएको सवारी दुर्घटनामा २ जनाको ज्यान गएको छ । पोखराबाट दमौली तर्फ आउँदै गरेको बा ३० प ३४७५ नम्बरको मोटरसाईकललाई जामुने गविस–२ जामुनेमा विपरित दिसाबाट गईरहेको बसले ठक्कर दिँदा मोटरसाईकलमा सवार दुई जनाको ज्यान गएको तनहुँ प्रहरीले जनाएको छ । ज्यान जानेमा जामुने गाविस १ निवासी १७ बर्षिय विष्णु राना र जामुने गाविस–८ का २२ बर्षिय बिरेन्द्र थापा रहेका छन् । ज्यान जाने दुबै दमौली स्थित दमौली कलेजमा कक्षा १२ मा अध्ययन गर्ने विद्यार्थी रहेको जनाईएको छ । ज्यान गएका मध्ये विरेन्द्रको घटना स्थलमै र रानाको दमौली अस्पताल ल्याउँदै गर्दा बाटोमा ज्यान गएको थियो । दुर्घटनापछि पृथ्वीराजमार्ग केहि समय अवरुद्ध भएको थियो ।
