धादिङ, असोज २६
एकीकृत नेकपा -माओवादी धादिङले आन्तरिक कार्यकर्ता प्रशिक्षणलाई तीव्र पारेको छ । जिल्ला, इलाका हुँदै उत्तरी धादिङको विभिन्न गाउँ विकास समितिमा धमाधम प्रशिक्षण भइरहेका छन् ।उत्तरी धादिङको फूलखर्क गाउँ विकास समितिस्थित मण्डली उच्च माध्यमिक विद्यालयमा आन्तरिक कार्यकर्ता प्रशिक्षण सम्पन्न भएको छ ।कार्यक्रममा पार्टीका केन्द्रीय सदस्य एवम् धादिङ क्षेत्र नं. १ का सभासद् पुष्पविक्रम मल्लले यदि पार्टीभित्रैबाट कसैले पार्टी फुटाएमा त्यो प्रतिक्रियावादीको मतियार ठहरिने बताए ।
