विद्यालयमा एक पुरुष मृत अवस्थामा

नारायण सापकोटा

चितवन, असोज २६

पूर्वी चितवनको बछौलीस्थित विद्यालयमा एक पुरुष मृत अवस्थामा फेला परेको प्रहरीले जनाएको छ । बछौली-४ स्थित राष्ट्रिय प्राथमिक विद्यालयको कक्षा कोठाभित्र एक पुरुष मृत अवस्थामा फेला परेका हुन् ।उनको सनाखत भने हुन सकेको छैन । स्थानीयवासीका अनुसार उनी विगत समयदेखि गाउँमा माग्दै हिँड्ने गरेका व्यक्ति हुन् । यस्तै, चितवनमा भएका विभिन्न घटनामा पाच व्यक्ति घाइते भएका छन् । घाइतेमध्ये एकजनाको अवस्था गम्भीर रहेको छ । चितवनको नारायणी कलामन्दिरमा विद्युत्को वायरिङ गर्दैगर्दा लडेर एकजना गम्भीर घाइते भएका छन् ।भरतपुर-२ का स्थानीय २५ वर्षीय नन्दलाल तामाङ लडेर घाइते भएको र उनको अहिले गम्भीर अवस्थामा पुरानो मेडिकल कलेज भरतपुरमा उपचार भइरहेको प्रहरीले जनाएको छ ।