भक्ति रिजाल,
असोज २९, सर्लाही सर्लाहीमा यो वर्ष पनि हात्ती आतंक सुरु भएको छ । जानकीनगर गाविसको वडा नम्वर ३ मा गए राती देखि हात्तीले क्षती गर्न सुरु गरेको हो । दाह्रा भएको एउटा हात्तीले केही घर भत्काएको, विभिन्न मानिसका धानवाली क्षती गरेको, धानका वेरी लडाएको स्थानीय भिम वहादुर खड्काले जानकारी दिनुभयो । राती आएर हात्तीले क्षती पुर्याउन थाले पछि स्थानीयवासी त्रसित भएका छन । हरेक वर्ष त्यस क्षेत्रमा पर्सा वन्य जन्तु आरक्षवाट आउने हात्तीको वगालले क्षती पुर्याउने गरेको छ । अहिले एउटा मात्र हात्ती देखिए पनि जंगल क्षेत्रमा थप हात्ती हुन सक्ने स्थानीयवासीको आसंका छ । हरेक वर्ष हात्तीको वगाल आएर मानिस मार्ने र क्षती पुर्याउने गरे पनि सम्वन्धित निकायले ध्यान नदिएको स्थानीयको गुनासो छ ।
