दमौली अविरल वर्षासँगै आएको बाढी र पहिरोका कारण तनहुँको दमौली-घुमाउने घाट जोड्ने शहिद बुद्ध िसंह मार्ग अन्र्तगत दमौलीबाट सराङघाट र कोइदिम सडक हिलाम्मे भएपछि मोटरमार्ग सफाई गर्ने कार्य सुरु गरिएको छ ।
गत असार र साउन महिनामा आएको अविरल बर्षाले सडकको छेउछाउमा पहिरो र सडकको छेउमा पानी जमेकाले मार्ग पुर्ण रुपमा साचालनमा आउन सक्केका छैन्न । सडकमा हाल पहिरो हटाउने तथा डोजर लगाएर बाटोलाई फराकिलो बनाउने कार्य भई रहेको र केहि दिनमा पानी नपरेमा यो मार्ग पुर्णरुपमा साचालनमा आउने समाजसेवी याम बहादुर आलेले बताउनु भएको छ ।
यो मार्ग पूर्ण रुपमा सडकको विस्तार गरी यातायातका साधन साचालनमा ल्याउन सकेमा चितवनको नारायणगढ पुग्नका लागि पृथ्वीराजमार्गबाट भन्दा यो शहिद बुद्धिसंह मार्गबाट ३२ किलोमिटर छोटो पर्ने समाजसेवी आलेले बताउनु भएको छ ।
तनहुँ जिल्लाका विभिन्न ग्रामीण भेगमा निर्माण गरिएका कच्चि सडकहरुको उचित मर्मत सम्भार नहुँदा जिर्ण बन्न पुगेका छन् । नेपालीका महान चाडपर्वहरु नजिकिदै जाँदा सडकहरु जिर्ण बनेपछि ती सडकहरुमा सवारी साचालन गर्न निकै कठिनाई भएको छ । बर्षातका बेलामा गएको बाढी पहिरो र भेलका कारण अधिकांश कच्चि सडकहरु बिगि्रएका छन् । जसकारण तनहुँका कतिपय ग्रामीण सडकहरुमा अहिलेसम्म पनि सवारी साधन साचालनमा आउन सकेका छैनन् । साचालनमा केही सडकहरुमा निकै कष्टपूर्ण तरिकाले यात्रा गर्नुपर्ने बाध्यता रहेको छ ।
सवारी साधन पाइहाले पनि गन्तव्यमा पुग्ने वा नपुग्ने त्यस बारेमा कुनै निश्चित छैन् । सवारी साधन बाटोमा नै फस्ने गरेका कारण कतिपय यात्रुहरु विच बाटोमा नै अलपत्र पर्ने गरेका छन् । यस तर्फ सम्बन्धित निकायले समयमै सडक सुधारको कार्यलाई अगाडि बढाउनु पर्ने देखिन्छ । ग्रामीण कच्चि सडकमा सवारीचालक र यात्रुहरु ज्यानको बाजी थापेर यात्रा गर्नुपरेको दुखेसो व्यक्त गर्छन् । यात्रुहरु वस र जीपको छतमा बसेर कष्टकर यात्रा गरिरहेका देखिन्छन् । जसबाट दुर्घटनाको जोखिम निकै बढेको उनीहरुको गुनासो छ ।
ग्रामीण भेगमा थुप्रै कच्चि सडकहरु निर्माण भएता पनि ती सडकहरुको उचित मर्मत सम्भार र व्यवस्थित नहुँदा कच्चि सडकहरुको अवस्था निकै नाजुक बन्दै गइरहेका छन् । साभारः हाम्रो तनहुँ
