चितवन साउन २६, । पूर्व-पश्चिम राजमार्ग अन्तर्गत नवलपरासीको दुम्कीवासमा गएराति भएको यात्रुबस दुर्घटनामा २५ यात्रु घाइते भएका छन् । घाइतेमध्ये पाँचको अवस्था गम्भीर रहेको इलाका प्रहरी कार्यालय कावासोतीले जनाएको छ । घाइतेहरुको भरतपुरस्थित चितवन मेडिकल कलेजमा उपचार भइरहेको छ । पूर्वबाट पश्चिमतर्फ जाँदै गरेको ना३ख ८६१३ नम्बरको बस अनियन्त्रित भई सडक किनारमा पल्टिएर दुर्घटना भएको हो ।
