मुम्बई, श्रावण २९ - प्रेमसम्बन्धबाट छुट्टिए पनि सहयोग र सद्भाव त रहिनै रहन्छन् । त्यसमा पनि कुरो पर्यो सलमान खानको । केही दिनपछि नै रिलिज हुन गइरहेको फिल्म 'बडी गार्ड' मा सलमानले कटि्रनालाई सुसेली मारेर सहयोग पुर्याएका छन् । कुरा 'बडी गार्ड'को एउटा आइटम डान्सको हो, जहाँ सलमान र कटि्रना सुसेली मार्दै नाच्नुपर्ने हुन्छ । सुटिङ क्रममा सलमानलाई सुसेली मार्न कुनै गार्हो भएन, उनले दुवै ओठ जोडेर गोली बनाउँदै सुसेली मारे । जब कटि्रनाको पालो आयो, उनी फेल भइन् । हत्तपत्त सुसेली मारेर सलमानले सघाइदिए । मधुर भण्डारकर निर्देशित फिल्म 'बडी गार्ड'को 'आया रे आया बडी गार्ड...' बोलको आइटम गीतको सकेन्ड हाफमा कटि्रना देखिन्छन्, जसमा उनलाई सुसेली मार्न निकै अप्ठ्यारो महसुस भएको बताइएको छ । उनले ६ पटक सुसेली मार्नुपर्ने दृश्य थियो, नसकेपछि सलमान अघि सरे । स्रोतका अनुसार फिल्म कटि्रनाले सुसेलेको देखिए पनि वास्तवमा त्यो सलमानले नै सुसेली हालेका हुन् । करिना कपुर लिडिङ रोलमा रहेको फिल्म यही अगस्ट ३१ मा रिरिज हुँदै छ ।साभारः इकान्तिपुर
