रीमा २२ बर्षकी रे !

काठमाण्डौ, २०६८ श्रावण २१, शनिवार चलचित्र 'स्वर' डेब्यू नायिका रीमा बिश्वकर्मा २२ भईन् रे ! बर्दिया जिल्लाको सदरमुकाम गुलरियामा जन्मेकी यि नायिकाले आज आफ्नो २२ औं जन्मदिन मनाउँदै छिन् ।क्रिस केसीको 'जीन्दगी भर साथ दिन्छु भन्नेले...' बोलको गीतको म्युजिक भिडियोमा अभिनय गरेर मोडलिङ क्षेत्रमा प्रवेश गरेकी रीमाले दुई दर्जन भन्दा बढि म्युजिक भिडियोमा अभिनय गरिसकेकी छिन् । यसैगरी दुई चलचित्र 'स्वर' र 'त्यो दश घण्टा' मा अभिनय गरेकी रीमाले थुप्रै बिज्ञापनमा पनि काम गरिसकेकी छिन् । तिहार पछि अर्को चलचित्रमा अभिनय गर्ने तयारीमा रहेकी नायिका तथा मोडल रीमा सञ्चारकर्मी समेत हुन् । धेरै बर्ष अगाडी नेपाल टेलिभिजनमा प्रसारण भएको बाल कार्यक्रमको प्रस्तोता समेत रहेकी रीमाले नेश्नल टेलिभिजनमा समाचार वाचिकाको रूपमा समेत काम गरिसकेकी छिन् । सोही टेलिभिजनमा काम गर्ने एकजना दिदीले पहिलो पटक बर्थ डे विस गरेको बताउने रीमाले आज आफ्नो जन्म दिन गोकर्णमा साथीहरूसँग रमाईलो गरेर मनाउँदै छिन् । गोकर्णमा हुने एक पार्टीको होस्ट समेत बन्न लागेकी रीमाले साथीहरूलाई त्यहिं नै ट्रिट दिने बताईन् । बिहानै देखि मोबाईलमा एमएमएसको रिप्लाई गर्न र फोनमा थ्याङ्क्यू भन्न व्यस्त रहेको बताउने रीमाको फेसबुक अकाउण्टमा पनि बर्थ डे विस गर्ने थुप्रै छन् । चलचित्रकर्मी, साथीभाई तथा शुभचिन्तकहरूले बिहानै देखि बर्थ डे विस गरेको रीमाको भनाई छ । फिल्मीखबर