दीपक पौडेल /दोहा कतारमा विभिन्न समस्याका कारण गैर कानुनी हैसियतमा पुगेपछि घर फर्कनुपर्ने बेला जानुपर्ने फिर्तिकेन्द्रमा नेपालीको संख्या गत सोमवार ६७ रहेको छ । गत साता १ सय १४ नेपाली फिर्ति केन्द्रमा रहेकोमा एक साताको अवधिमा ४७ जना घटेको नेपाली दुतावासले जनाएको छ । ‘गत साताभन्दा धेरै नेपाली घटेका छन् । सोमवार ६७ जना नेपाली फिर्तिकेन्द्रमा रहेका छन्’ राजधानीसंगको कुराकानीमा राजदुत डा. सुर्यनाथ मिश्रले भने– ‘उनीहरू मध्ये पनि १० जना १–२ दिनमै फर्कँदैछन् ।’ फिर्ति केन्द्रमा १ जना चेली रहेको पनि राजदुतले बताए । ‘चेलीको सवै प्रकृया पुगिसेकेको, उनी फर्कँदैछन्’ राजदुतले भने– ‘बाँकी युवाहरूमध्ये पनि धेरैको कागजी प्रकृया सम्पन्न भइसकेको छ ।’ ९ जना युवाको ‘टिकट एक्स्टेन्सन चार्ज’ नभएका कारण घर फिर्ति ढिलाई भएको उल्लेख गर्दै राजदुतले उनीहरूको लागि सो शुल्क दुतावासले बुझाइसकेकोले अव केहि दिनमा फर्कने स्पष्ट पारे । पछिल्ला दिनमा दुतावासले फिर्ति केन्द्रको भ्रमण तथा त्यहाँ बन्दिलाई आवश्यक पहलकदमी थप शशक्त बनाएपछि फिर्तिकेन्द्रमा रहने नेपालीको संख्यामा उल्लेख्य कमी आएको छ । कतारको केन्द्रिय कारागारमा विभिन्न आभियोगमा जेल समाज भोगिरहेका नेपालीको संख्या भने २७ रहेको छ । नेपाल कतार अनलाइन बाट
