कृष्ण जन्माष्टमीको अवसरमा राष्ट्रपतिद्वारा शुभकामना

काठमाडौ, भाद्र ४ - हिन्दु धर्मावलम्बीहरुको पावन पर्व श्रीकृष्ण जन्माष्टमीको अवसरमा राष्ट्रपति रामवरण यादवले शुभकामना व्यक्त गरेका छन् । आइतबार पाटनस्थित कृष्ण मन्दिरमा पुगेर यादवले पुजाआर्चन समेत गरेका छन् । श्रीकृष्ण जन्माष्टमीको अवसरमा शुभकामना दिदैं राष्ट्रपति यादवले यस पर्वले सम्पूर्ण नेपालीहरुलाई एकताबद्ध गरी रष्ट्रियताको सम्वर्द्धन गर्नमा सफल रहोस भन्ने कामना समेत दिएका छन् । श्रीकृष्ण जन्माष्टमी मुलुकभर धुमधामका साथ पुजा आरधना गरी मनाईंदै छ । ज्ञान योग, भक्ति योग र परमयोगकका प्ररेणता मानिने श्रीकृष्णको जन्म द्वापर युगमा भाद्र कृष्ण अष्टमीका मध्य रातमा भएको विश्वास स्वरुप आजको दिनलाई श्रीकृष्ण जन्माष्टमी र रातलाई महोरात्री भन्ने गरिन्छ । अन्याय अत्यचारबाट र राक्षसी प्रवृतिबाट सम्पूर्ण मानवको रक्षा गर्न विष्णुको आठौं अवतारका रुपमा जन्मेका श्रीकृष्णले असत्य र असुरमाथि विजय प्राप्त गरेको किम्बदन्ती छ । आजको दिन मुलुकभर कृष्णको मन्दिरमा श्रद्धालुहरुको घुइँचो लागेको छ । पाटनको कृष्णमन्दिरमा ठूलो मेला समेत लागेको छ । साभारः इकान्तिपुर बाट