दोहा, तमू बौद्ध सेवा समिति कतारको संरक्षकत्वमा स्थापित तमू सांस्कृतिक परिवारले आफनो तेश्रो प्रस्तुतिको रुपमा “गैर आवासीय नेपाली तारा कतार २०११” कार्यक्रमको आवश्यक तयारी भै रहेको जानकारी प्राप्त भएको छ । सांस्कृतिक परिवारका अध्यक्ष तथा कार्यक्रम संयोजक बिमल गुरुङले दिनु भएको जानकारी अनुसार उक्त कार्यक्रम यहि आउने ईदको अवसरमा पहिलो अडिशन लिईने कार्यक्रम तय भएको छ । स्मरण रहोस उक्त सांस्कृतिक परिवारले गत वर्ष पनि “नेपाली कला र संस्कृतिको संरक्षण गरौं, विदेशमा रहेका प्रतिभाको खोजि गरौं” भन्ने मुल नाराका साथ “गैर आवासीय नेपाली तारा कतार २०१०” कार्यक्रम भव्यताका साथ सम्पन्न गरि सकेको छ । यस वर्ष पनि गत वर्षमा जस्तै नृत्य र गायन गरि दुबै विधामा नेपाली प्रतिभाहरुको विच प्रतिस्पर्धात्मक सांस्कृतिक कार्यक्रमको आयोजना गरिने छ – संयोजक गुरुङले बताए । यस पालिको प्रतियोगितामा नृत्य तथा गायन दुबै विधामा उत्कृष्ट प्रतियोगिहरुलाई विशेष उपाधिले सम्मान गरिने कार्यक्रम संयोजक गुरुङले बताएका छन् । गत वर्षमा जस्तै नृत्य र गायन मध्यबाट उत्कृष्ट हुने प्रतियागिलाई गैर आवासीय नेपाली तारा कतार २०११ को उपाधिद्वारा सम्मान गरिनुका साथै दुबै विधाका उत्कृष्ट प्रतियोगिहरुले विशेष उपाधिबाट सम्मानित गरिने कार्यक्रम तय भएको जानकारी हुन आएको छ । त्यसैले यस वर्षको कार्यक्रम अरु उत्कृष्ट हुने वारे विश्वस्त रहेको कुरा हामीसंगको भेटमा अध्यक्ष गुरुङले बताए । बताईए अनुसार यो कार्यक्रम मार्फत कतारमा रहेका नेपाली प्रतिभाहरुले आफनो कला प्रस्तुत गर्न एउटा अवसर प्राप्त गर्ने छन् भने नेपाली कला र संस्कृतिलाई माया गर्ने नेपाली कला प्रेमी कतारवासी नेपालीहरुले भरपुर मनोरञ्जन पनि प्राप्त गर्ने छन् । प्राप्त समाचार अनुसार प्रतियोगितामा भाग लिन आवेदन दिने वारे कार्यक्रमको विस्तृत विवरण छिट्टै सार्वजनिक गरिने छ ।
