रवि रोषी / दोहा ।
नेपाल टेलिभिजनबाट प्रसारण हुने प्रवासीको सन्देश नामक कार्यक्रमको प्रथम बार्षिकोत्सव कतारमा सम्पन्न भएको छ । वैदेशिक रोजगारको सिलसिलामा कतारमा काम गर्न आएका न्युन तहका दुखी नेपालीहरुको पिडा र समस्या सहित नेपाली व्यवशायीहरु तथा समाजसेवीहरुको समग्र प्रगति उन्नतिको बारेमा तयार पारिएको बृत्तचित्रको सारांश कार्यक्रममा प्रदर्शन गरिएको थियो । उक्त कार्यक्रमलाई कतारबाट आर्थिक तथा भौतिक सहयोग पुर्याउने व्यवशायी तथा समाजसेवीहरुलाई दोसल्ला र कदरपत्र सहित सम्मान पनि गरिएको थियो । विभिन्न संघसंस्था तथा व्यवशायीहरुको उल्लेखनीय उपस्थिती रहेको सो कार्यक्रममा महिला सहभागिता पनि बाक्लो रहेको थियो । यसलाई परिष्कृत र
परिमार्जित गर्दै लैजान विभिन्न वक्ताहरुको सुझावलाई अंगिकार गर्दै कार्यक्रम सञ्चालक तथा प्रवासीको सन्देशका उत्पादक शिवराज गौतमले यसलाई आफुले आगामी दिनमा अझ परिष्कृत गराउने बचनबद्धता जाहेर गरेका थिए ।
