काठमाडौ, भाद्र २ - काबुलस्थित ब्रिटिस काउन्सिलमा बिहीबार राती गरिएको आत्मघाती आक्रमणमा केही पूर्व गोर्खाहरु घाइते भएका छन् । उक्त घट्नामा अफगानी प्रहरी र न्यूजीलेण्डका एक सैनिकको मृत्यु भएको छ । राती हतियारधारी आक्रमणकारीहरु कार बम प्रयोग गरेर काउन्सिलको पर्खाल तोड्दै भित्र छिरेका थिए । उक्त आक्रमणमा ९ जना मारिएको बीबीसीको अनलाईन संस्करणले जनाएको छ । सोही समाचारमा ब्रिटिस राजदूत विलियम पटेको हवाल दिंदै सुरक्षामा खटिएका नेपाली पूर्व गोर्खा सैनिकहरु घाइते भएको एएफपीले जनाएको उल्लेख गरिएको छ । कसैको हतहाति नभएको उल्लेख गरिएपनि काउन्सिलको सुरक्षामा कति नेपाली पूर्व गोर्खा सामेल थिए र कति जना घाइते भएका छन् भन्ने बिस्तृत जानकारी आएको छैन । source: ekantipur
