काभ्रे, श्रावण २५ - यहाँको होक्से- ६ स्थित होक्से-चिसापानी सडक खण्डमा बुधबार बिहान ट्रयाक्स (जीप) दुर्घटना हुँदा चार जनाको मृत्यु भएको छ । चिसापानीबाट बनेपा आउँदै गरेको बा ४ च १३१५ नम्वरको जीप होक्सेस्थित सडकबाट ७ सय मिटर तल खसेको थियो । दुर्घटनामा होक्से ९ का ३० वर्षीय सीता थापा, सोही ठाउँका ५५ वर्षीय दिल्लीमाया तामाङ, साठीघर गाविसका ४० वर्षीय अञ्जु श्रेष्ठको घटनास्थलमै मृत्यु भएको छ । अस्पताल लैजाँदै गर्दा मृत्यु भएका एक बालकको परिचय खुलेको छैन । दुर्घटनामा ८ जना गम्भीर घाइते भएका छन् । उनीहरुको धुलिखेलमा उपचार भइरहेको प्रहरी निरीक्षक अरुण सिंहले जानकारी दिए । जीपमा ३० जना सवार थिए । Source: ekantipur
