दुर्घटनामा साइकलयात्रीको मृत्यु

दीपेन्द्र बडुवाल भरतपुर, श्रावण १ - पश्चिम चितवनको गितानगरमा आइतबार भएको सवारी दुर्घटनामा एक जना साइकलयात्रीको मृत्यु भएको छ । नारायणगढबाट मेघौलीतर्फ जाँदै गरेको ग १ ख १०४४ नम्बरको मिनि बसको ठक्करबाट चण्डीभञ्ज्याङ-६ बस्ने १५ वर्षीय चन्द्रमान चेपाङको मृत्यु भएको जिल्ला प्रहरीले जनाएको छ ।दुर्घटनामा गम्भीर घाइते भएका चेपाङको उपचारको क्रममा चितवन मेडिकल कलेजमा दिउँसो मृत्यु भएको हो । ठक्कर दिने सवारी साधन र चालकलाई प्रहरीले नियन्त्रणमा लिएको छ । साभार इकान्तिपुर