सिन्धुलीमाढी, १४ साउन । हाडनाता करणी गरी दिदीको हत्या गरेको अभियोगमा सिन्धुलीको पुरानोझागाझोली गाविस २ नाङ्गेडाँडा निवासी एक युवकलाई शुक्रबार प्रहरीले पक्राउ गरेको छ । पक्राउ पर्ने मृतक गीता थापाको काकाको छोरा सीताराम थापा भएको जिल्ला प्रहरी कार्यालयले जनाएको छ । मृतक थापा दुई दिनअघि विष सेवन गरेर मृत अवस्थामा घरमा फेला परेपछि अनुसन्धानका क्रममा करणी गरी हत्या गरेको रहस्य खुलेको जिल्ला प्रहरी कार्यालयका प्रहरी नायब उपरीक्षक लोकेन्द्र श्रेष्ठले जानकारी दिनुभयो । जिल्ला प्रहरी कार्यालयका अनुसार मृतक गीतासँग सहमतिमा नै हत्या भएको दिन राति ८ बजे यौनसम्पर्क्र भएको र यौन सम्पर्क्रका क्रममा मृतक गीताको आवाज अर्कै घरमा सुतेकी आमा रितुमायाँले सुनेर छोरीको कोठामा पुग्दा आपतिजनक अवस्थामा पाएको थापाले प्रहरीसामु बयान दिएका छन् । आमाबाट यो खबर फैलिन भयले सीताले विष ल्याइ दिन भनेपछि विष सेवन गर्न दिएको र विष सेवन पछि छटपटाइ रहेकी दिदीको मुन्टो बटारेर हत्या गरेको थापाले साविती बयान दिएको छ । घटनाबारे थप अनुसन्धान भइरहेको बताइएको छ । साभार ः pokharatoday
