चलचित्र ‘जीन्दगी मिले ना दोबारा’ मा काम गर्ने अवसर नपाएपछि भने उनमा ‘बाइक प्रेम’ जागेको थियो । यात्रा गर्न रुचाउने युवतीको भूमिकामा देखिएकी उनी चलचित्रमा ‘बाइकप्रेमी युवती’ पनि हुन् । यसैका लागि उनले तालिम लिइन् । सुरुमा सामान्य बाइक चलाउन सिकेकी कैफ यतिबेला ‘हर्ली डेभिड्सन’ बाइक चढछिन्, जुन अन्यभन्दा ठूलो नै मानिन्छ । कतै घुम्न जानुपर्यो भने उनको प्राथमिकतामा डेभिड्सन नै हुन्छ ।
करिना कपुर पनि ‘बाइकप्रेमी’ नायिका हुन् । ३० वर्षीया करिना बाइक चलाउन अझै पर्याप्त आत्मविश्वास नभएको बताउँछिन् रे ! त्यसो त उनी चलचित्र ‘गोलमाल ३’ र ‘थ्री इडियट्स’ मात्र होइन, बाइकको एउटा विज्ञापनमा पनि देखिएकी छिन् । जति मजा उनलाई हृयाबुसा बाइक चलाउँदा आउँछ, त्यति अरूमा आउँदैन । त्यसैले होला निर्माता, निर्देशकहरूले उनको रोजाइको ब्रान्डकै बाइक खोजेर छायाङ्कनस्थलमा पुर्याउने ।
चौबीस वर्षीया स्लीम कंगना रनावतले ६०० सीसीको भारी आकारको बुलेट बाइक चलाएको कुरामा धेरैलाई विश्वास नै लाग्दैन तर नपत्याई सुख पनि छैन । चलचित्र ‘तनु वेड्स मनु’ आखिर यस्तै देखाउँछ । कंगना तालिमप्राप्त बाइकर पनि होइनन् तर छायाङ्कनका समयमा भने उनले बुलेट चलाएर सबैलाई छक्कै पारिन् । सो क्रममा उनी घाइते-समेत भएकी थिइन् ।
बाइक चलाउनेमा नायिका पि्रयंका चोपडा पनि कम छैनन् । रियालिटी सो ‘खतरों की खिलाडी ३’ की प्रस्तोता समेत रहेकी २८ वषर्ीया पि्रयंकाले शो क्रममा बाइक स्टन्टिङ् नै गरेकी थिइन् । ‘रेसिङ बाइक’ सौखिन पि्रयंकाले चलचित्र ‘डन’ मा पनि खतरनाक स्टन्ट दिएकी थिइन । तरबारबाजी र मार्सल आर्ट पनि सिकेकी पि्रयंका अर्का ‘बाइकप्रेमी नायिका’ हुन् । ‘रब ने बना दि जोडी’ की नायिका अनुष्का शर्मालाई बाइक कसरी चलाउनुपर्छ भन्ने राम्ररी थाहा छ । भर्खरै २३ वर्ष पुगेकी उनी ट्रलीमा बसेर पनि बाइकको स्टन्ट दिन सक्छिन् । कलेज जीवनमा नै बाइक चलाउन थालेकी अनुष्का यामाहा चलाउन मन पराउँछिन् । स्त्रिmनमा मात्र होइन, वास्तविक जीवनमा पनि उनी बाइक चलाउन मन पराउँछिन् ।
बत्तीस वर्र्षया नायिका गुल पनाग बाइक चलाउने सम्भवतः प्रथम नायिका हुन् । स्त्रिmनमा मात्र होइन साथीसङ्गीसँग बाइकमा घुम्न रुचाउने गुल विभिन्न बाइक क्लबसँग आवद्ध पनि छिन् । सुरक्षित तरिकाले कसरी बाइक चलाउने भन्ने जानकारी पनि उनी दिन्छिन् । चलचित्र ‘टर्निग ३०’ मा उनले सहकलाकार पुरव कोहलीलाई बाइकमा राखेर स्टन्ट पनि दिएकी छिन् । गुलको मन पर्ने बाइक हो, रोयल इनफिल्ड्स । Source:http://brusselnepal.com
