आज इन्जिनियर दिवस मनाइदै

काठमाडौँ, ३ साउन/ नेपाल इन्जिनियर्स एसोसिएसनले ‘सम्वृद्ध नेपालका लागि इन्जिनियरहरूको सशक्तीकरण’ भन्ने नाराका साथ आज इन्जिनियर दिवस मनाउँदै छ । एसोसिएसनले आफ्नो स्थापना दिवसको अवसर पारेर हरेक वर्षो साउन ३ गते इन्जिनियर दिवस मनाउँदै आइरहेको छ । एसोसिएसन आजदेखि ५० वर्षा प्रवेश गरेको छ । नेपालमा अहिले २० हजारभन्दा बढी इन्जिनियरहरू रहेका छन् भने बर्षेनी तीन हजारभन्दा बढी इन्जिनियरहरू उत्पादन भइरहेको एसोसिएसनका महासचिव ध्रुव थापाले जानकारी दिनुभयो । नेपालमा भएका इन्जिनियरिङ जनशक्तिको अनुपातमा काम पर्याप्त भए पनि सामञ्जस्यता हुन नसक्दा सक्षम व्यक्तिले रोजगारी नपाउने र विदेश पलायन हुनेक्रम बढिरहेको पनि महासचिव थापाले बताउनुभयो । प्राविधिक सीप भएकाले इन्जिनियरले बढी कमाइ गर्ने हुँदा अहिले उनीहरू वैदेशिक रोजगारीमा बढी आर्कषित हुने गरेको पाइएको छ ।साभार newspokhara