रवि रोषी
सिराहाली एकता समाज दोहा कतारले यहि आउँदो शुक्रवार २४ जुनमा दोहा सिनेमामा जलवा डान्स हंगामा २०११ कार्यक्रम आयोजना गर्ने भएको छ । पहिलो शो ३ बजे र दोश्रो शो साँझ ७ बजे हुने २ चरणको साँस्कृतिक कार्यक्रममा नेपालबाट कलाकारहरु आउने निश्चित भईसकेको कुरा कार्यक्रम निर्देशक प्रकाश दास मान्सले बताएका छन् ।
रेडियो नेपालमा हिन्दी समाचार वाचिकाको रुपमा समाचार वाचन गर्ने स्मृति मिश्र र घनश्याम मिश्रले कार्यक्रम सञ्चालन गर्ने र नृत्य गर्ने भएकी छिन् भने आरती चौधरी, डोली सरकार, पंकज मण्डल, जेसिका खड्का, अस्मिता गिरी आउने भएका छन् ।
कतारका स्थानीय रामजानकी नृत्य समूहको पनि थप प्रस्तुती रहने सो कार्यक्रमको अध्यक्ष एवं कार्यक्रम आयोजक भने रुपेश यादव रहेका छन् । नेपाली, हिन्दी, मैथिली, भोजपुरी लगायत अन्य भाषाहरुका गीत तथा नृत्य प्रस्तुत गरिने सो कार्यक्रम हेर्न आउने दर्शकहरुको लागि आयोजकको तर्फबाट सनैयाको अलअतियाबाट निशुल्क वसको ल्याउने लाने सुविधा पनि रहेको छ ।
