संगसँगै दिनभरी

संगसँगै दिनभरी उनको प्यारो साथ थियो
अरु के के थियो कुन्नि हात माथि हात थियो ।

घरबाट केही टाढा त्यो छोटो यात्रा भरि

हँसिलो त्यो मुहारसँगै मिठो मिठो बात थियो ।

सूर्यले पश्चिम तिर सुन्तला रङ्ग कोरल्दै गर्दा

छुट्टिनुथ्यो तर उस्तै मायाको नै खात थियो ।

छुट्टिएनी साँझपख उनीसँग दोवाटोमा

सिमसिम पानी चिसो हावा सम्झनाको रात थियो ।।

********************************************

आयुष चौधरी सम्मोहन
रझेना ५ कृष्णनगर बाँके