भञ्ज्याङ सम्वाददाता दमौली
चोक चिसापानी, १६ वैसाख तनहुँको चोक चिसापानी ८ स्थित दुधेकुनामा स्थित सरस्वती निमाबिको दुई कोठे भवनको शुक्रबार एक कार्यक्रमकाबीच सीलान्यास गरिएको छ । उक्त भवनको सिलान्यास नेपाल शिक्षक संघ तनहुँका अध्यक्ष गणेश बहादुर खत्रीको प्रमुख आातिथ्यतामा गरिएको हो । जिल्ला शिक्षा कार्यालय तनहुँको ६ लाख रुपैँया अनुदान र स्थानीय जनश्रमदानबाट ३ लाख रुपैँयाँ गरी ९ लाख ५० हजार रुपैँयामा भविन निर्माण सम्पन्न हुने जनाईएको छ । बिद्यालय ब्यबस्थापन समितिका अध्यक्ष गोविन्दराज ढकालको सभापतित्वमा आयोजित कार्यक्रममा विद्यालयका पुर्ब अध्यक्ष नरेन्द्र बहादुर सापकोटा, शिक्षक अभिभावक संघका अध्यक्ष बुद्धिबहादुर सापकोटा, प्रधानाध्यापक कृष्णबहादुर जिसी लगायतले कार्यक्रममा शुभकामना मन्तब्य ब्यक्त गर्नु भएको थियो ।
