विबेक खनाल नमस्ते तनहुँ
२६ फागुन, दमौली । पृथ्वी राजमार्गअन्तर्गत तनहुँको बन्दीपुरमा ट्रकको ठक्करबाट विहीबार विहान एक महिलाको मृत्यु भएको छ । मृत्यु हुनेमा स्याम्घा गाविस-९ की ५० वर्षीया मनुमाया पौडेल रहेको प्रहरीले जनाएको छ ।
चितवनको नारायणगढबाट पोखराका लागि छुटेको ना ३ ख ८२२ नम्बरको ट्रकले बाटो काट्दै गरेकी पौडेललाई बन्दीपुर-८, याम्पाफाँटमा ठक्कर दिएको थियो । ट्रकको ठक्करबाट पौडेलको घटनास्थलमै मृत्यु भएको थियो ।
मृतकका परिवारलाई उचित क्षतिपूर्ति र चालकलाई कारबाहीको माग गर्दै स्थानीय बासिन्दाले पृथ्वी राजमार्गअन्तर्गतको डुम्रे-आँबुखैरेनी सडकखण्ड अवरुद्ध पारेका छन् । ठक्कर दिने ट्रक र त्यसका चालक प्रहरी नियन्त्रणमा छन् ।
