बसको ठक्करबाट दुई जनाको मृत्यु

भञ्ज्याङ सम्वाददाता

दमौली, २१ फागुन

पृथ्वी राजमार्गअन्र्तगत तनहुँको आँबुखैरेनी–डुम्रे सडकखण्डमा शनिबार दिउँसो यात्रुबाहक बसले ठक्कर दिंँदा एकजनाको मृत्यु भएको छ । मृत्यु हुनेमा वीरगञ्ज निवासी अन्दाजी वर्ष ३० का राजन चौलागाई रहेको इलाका प्रहरी कार्यालय आँबुखैरेनीले जनाएको छ । मुग्लिनबाट डुम्रेतर्फ आउँदै गरेको ना २ ख ३८९४ नम्बरको बसले चौलागाईलाई बन्दीपुर गाविसको याम्पाफाटमा ठक्कर दिएको हो । उनको घटनास्थलमै मृत्यु भएको प्रहरीले जनाएको छ। त्यस्तै, लेखनाथ नगरपालिका–४ जलधारेस्थित भित्री सडकमा ग १ ख ९१६४ नम्बरको बसले हिजो एकजना पैदल यात्रीलाई ठक्कर दिंदा निजको घटनास्थलमै मृत्युभएको छ ।
सो बसले कास्कीको कालिका गाविस–१ बस्ने ५० वर्षीय जगत परियारलाई ठक्कर दिंदा घट्नास्थलमा नै मृत्यु भएको जिल्ला प्रहरी कार्यालय कास्कीले जनाएको छ । प्रहरीले चालक र बसलाई नियन्त्रणमा लिएको छ । मृतकको लास पोष्टमार्टमको लागि गण्डकी अस्पताल पोखरामा पठाइएको छ । more news please login http://bhanjyangnews.com.np/