भञ्ज्याङ सम्वाददाता
लमजुङ, १७ फागुन
मस्र्याङदी नदीमा एक अज्ञात पुरुषको शब वेवारिसे अवस्थामा भेटिएको छ । मध्यमस्र्याङदी जलविद्युत परियोजनाको जलाशयमा मगलबार दिउँसो अन्दाजी ४० बर्ष उमेरका पुरुषको शब निर्वस्त्र
अवस्थामा भेटिएको हो । हातमा तामाको बाला लगाएको, हेर्दा गोल अनुहारको सो पुरुषको सनाखत हुन सकेको छैन । शब भेटिएपछि प्रहरीले जलाशयबाट बाहिर निकाली पोष्टमार्टमका लागि जिल्ला
सामुदायिक अस्पतालमा लगेको छ। लाश निकै गलेकाले दुई चार दिन अघिको हुन सक्ने अनुमान गरिएको छ । गाउँशहरको गैरी नजिकै धारामा बेसीशहरबाट नुहाउन गएका केही युवाहरुले मस्र्याङदीमा शब तैरिएको देखेपछि प्रहरीमा खबर गरेका थिए।
